Sía

Equilibrium Tri-Zone Brushing Legghlífar

kr.7.490 með vsk.

Tri-Zone Brushing legghlífarnar eru fjölhæfar legghlífar sem mótast vel að fótlegg hestsins. Hlífarnar eru úr hágæða neoprene efni og vinyl höggvörn sem gerir þær afar sveigjanlegar og að þær sitji þægilega og tryggilega á fótum hestsins.

Passar bæði á fram- og afturfætur.
Hlífarnar eru með höggvörn á innanverðum leggnum til að varna við höggum og áverkum.
Mjög hentugar legghlífar fyrir reiðtúrana eða fimiþjálfunina. Einnig er hægt að hafa þær á hestinum við útiveru, s.s. úti í gerði eða hólfi.

Brushing legghlífar veita góða vörn gegn því þegar hesturinn rekur fæturnar utan í hvorn annan, s.s. við hliðargangsæfingar eða á erfiðu undirlagi ásamt því að veita meðal stuðning fyrir sinar og liðbönd. Fyrir hesta með mjög miklar og/eða óstöðugar hreyfingar, skeiðþjálfun eða brokkspíru- og hindrunarþjálfun mælum við með Tri-Zone All Sports legghlífunum þar sem þær veita meiri vernd fyrir höggum og áverkum, ásamt því að vera með sérstaka sinavörn.

Á lager

Flokkar: Þjálfun, Hlífar, Equilibrium Merkimiðar: Equilibrium, Fótaheilbrigði, Hlífar, Legghlífar, Legghlífar fyrir hesta

Nánari lýsing

Legghlífar í reið eru helst notaðar til að koma í veg fyrir meiðsli, enda eru skemmdir á sinum talin ein algengustu meiðslin hjá reið- og keppnishestum. Sinaskemmdir krefjast jafnan langrar hvíldar og endurhæfingar, ásamt því að vandamálið verður oft krónískt og erfitt að eiga við. Að nota legghlífar í reið veitir sinunum stuðning og hjálpa þar með við að draga úr þreytu í sinum. Við daglega þjálfun og hreyfingu getur orðið slit á sinum og liðböndum og smám saman getur það leitt til sinaskemmda.

Legghlífar geta einnig hjálpað við að verja hestinn gegn ágripum og öðrum áverkum. Áverki getur komið til vegna umhverfisins (s.s. steina, brokkspíra, hesturinn rennur til o.fl.) eða frá hestinum sjálfum. Hestar geta til að mynda gripið á sig með því að stíga aftan á framfætur með afturfótum og tekið skeifurnar undan sér, marið á sér hófinn eða hófhvarfið, valdið því að þeir hrasi eða detti, skaði beygjusinar eða rifið upp á sér hælinn. Einnig geta fæturnir rekist utan í hvorn annan, t.d. í hliðargangsæfingum en einnig getur líkamsbygging haft áhrif þar um.